കാല്‍ നൂറ്റാണ്ടിനു ശേഷം വിന്‍‌സന്‍റ്‌ ഗോമസ് വീണ്ടും എത്തുകയാണ് .രാജാവിന്‍റെ മകന്‍ റീമേക്ക് രൂപത്തില്‍ , ഇത്തവണ വിന്‍‌സന്‍റ്‌ ഗോമസ് എത്തുന്നത് അധോലോകങ്ങളുടെ രാജാവായല്ല .
1986ല്‍ റിലീസായ മെഗാഹിറ്റ് ആയ ഈ ചിത്രം വീണ്ടും എത്തുന്നത് ആ പഴയ ചരിത്രം വീണ്ടും ആവര്‍ത്തിക്കാനാണ് . മലയാള സിനിമ ലോകം മോഹന്ലാലിനെ കൈപിടിച്ച് ഉയര്‍ത്തി താരസിംഹാസനം നല്‍കിയത് ഈ ചിത്രത്തോടെയാണ്. തമ്പി കണ്ണന്താനം സംവിധാനം ചെയ്ത് ചരിത്രമായി മാറിയ ആ സിനിമയാണ് അണിയറയില്‍ ഒരുങ്ങുന്നത്.
“രാജുമോന്‍ ഒരിക്കലെന്നോട് ചോദിച്ചു, അങ്കിളിന്‍റെ ഫാദര്‍ ആരാണെന്ന്. ഞാന്‍ പറഞ്ഞു ഒരു രാജാവാണെന്ന്. കിരീടവും ചെങ്കോലും സിംഹാസനവുമെല്ലാമുള്ള രാജാവ്. പിന്നീട് അവന്‍ എന്നെ കളിയാക്കി വിളിച്ചു - പ്രിന്‍സ്. അതേ, അണ്ടര്‍വേള്‍ഡ് പ്രിന്‍സ്. അധോലോകങ്ങളുടെ രാജകുമാരന്‍- ഈ ഡയലോഗ് ആരും മറക്കാന്‍ ഇടയില്ലല്ലോ . അന്നത്തെ കാലത്ത് മലയാള സിനിമ ലോകത്ത് കിടിലന്‍ കൊള്ളിച്ച രാജാവിന്‍റെ മകന്‍ വീണ്ടും വരുമ്പോള്‍ സംവിധായാകാന്‍ തമ്പി കണ്ണന്താനം മുന്നോട്ടു നോക്കുന്നത് ആ പഴയ റക്കോടുകള്‍ വീണ്ടും ആവര്‍ത്തിക്കാനും കൂടിയാണ് .
തമ്പി കണ്ണന്താനവും ഡെന്നിസ് ജോസഫും ചേര്‍ന്ന് തിരക്കഥയുടെ ഫൈനല്‍ ടച്ചപ് നടത്തി കഴിഞ്ഞു എന്നാണ് അറിയുന്നത് . ആശീര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂരാണ് ചിത്രം നിര്‍മ്മിക്കുന്നത്.
മോഹന്‍ലാലിനു തകര്‍ത്തു അഭിനയിക്കാനുള്ള പല മുഹൂര്‍ത്തങ്ങളും ഡയലോഗുകളും ഈ സിനിമയില്‍ കൂട്ടിചേര്‍തിട്ടുണ്ട് എന്നാണ് അറിയുന്നത് . സുരേഷ് ഗോപിക്കും ആദ്യതെത് പോലെ തന്നെ ഒരു നല്ല കഥപാത്രം ഇതില്‍ ഉണ്ടെന്നാണ് തമ്പി കണ്ണന്തനം പറയുന്നത് .
രാജാവിന്‍റെ മകനില്‍ വിന്‍‌സന്‍റ്‌ ഗോമസ് മരിക്കുന്നുടെങ്ങിലും റീമേക്കില്‍ അത് സസ്പെന്‍സ് ആണെന്നാണ് പറയുന്നത് . ഇതോടെ മോഹന്‍ലാല്‍ തന്റെ പഴയ ഹിറ്റുകള്‍ വീണ്ടും ആവര്‍ത്തിക്കുമെന്നാണ് സിനിമ ലോകം പറയുന്നത് , അത് കാത്തിരിക്കുകയാണ് മലയാളം സിനിമ ലോകം .
No comments:
Post a Comment