മോഹന്ലാലിനെ നായകനാക്കി സത്യന്‍ അന്തിക്കാട് തിരക്കഥ എഴുതി സംവിധാനം ചെയ്യുന്ന പുതിയ ചിത്രത്തിന് "സ്നേഹവീട് " എന്ന് പേരിട്ടു .പാലക്കാടന്‍ഗ്രാമത്തിന്റെ പശ്ചാത്തലത്തിലൂടെയാണ് സത്യന്‍ അന്തിക്കാട് ചലച്ചിത്രാവിഷ്‌കരണം നടത്തുന്നത്. 'വരവേല്പി'നുശേഷം സത്യന്‍ അന്തിക്കാട് വീണ്ടും പാലക്കാട്ടെത്തുന്നതും ഈ ചിത്രത്തിലൂടെയാണ്. പ്രധാനമായും അമ്മയും മകനും തമ്മിലുള്ള ആര്‍ദ്രമായ സ്‌നേഹത്തിന്റെ കഥകൂടിയാണീ ചിത്രം.മലയാളത്തിന്റെ പ്രിയനായികയായിരുന്ന ഷീലയാണ് അമ്മയുടെ വേഷത്തില്‍. ഷീല ഈ ചിത്രത്തില്‍ മുഴുനീള കഥാപാത്രത്തെ അവതരിപ്പിക്കുന്നു. മോഹന്‍ലാലിനൊപ്പം ഷീല അഭിനയിക്കുന്നത് ഇതാദ്യം. പത്മപ്രിയയാണ് മറ്റൊരു പ്രധാന നടി.ബിജു മേനോന്‍ മറ്റൊരു പ്രധാന കഥാപാത്രത്തെ അവതരിപ്പിക്കുന്നു. ബിജു മേനോന്‍ സത്യന്‍ അന്തിക്കാടിന്റെ ചിത്രത്തില്‍ അഭിനയിക്കുന്നതും ആദ്യം. ഇന്നസെന്റ്, മാമുക്കോയ, ചെമ്പില്‍ അശോകന്‍, കെ.പി.എ.സി. ലളിത എന്നിവരും നാടകരംഗത്തുനിന്ന് ഏതാനും അഭിനേതാക്കളും അഭിനയിക്കുന്നു. രചന-സത്യന്‍ അന്തിക്കാട്. ഛായാഗ്രഹണം-വേണു. എഡിറ്റിങ്-കെ. രാജഗോപാല്‍. കലാസംവിധാനം-ജോസഫ് നെല്ലിക്കല്‍. നിര്‍മാണ നിര്‍വഹണം-സേതു അടൂര്‍. ചിത്രം ആശിര്‍വാദ് സിനിമാസ് പ്രദര്‍ശനത്തിനെത്തിക്കും. പതിവുപോലെ ചിത്രീകരണം പൂര്‍ത്തിയായശേഷമാണ് പേരിട്ടത്. ചിത്രത്തിന്റെ ഡബ്ബിങ് ജോലികള്‍ കൊച്ചിയില്‍ പുരോഗമിക്കുകയാണ്.
 |
 |
 |
 |
 |
Breaking News ::
Sunday, September 4, 2011
Subscribe to:
Post Comments (Atom)
ഒടുവില്‍ ഭീമന്‍ മോഹന്‍ലാല്‍ , "രണ്ടാമൂഴം " വരുന്നു .
ഒടുവില്‍ ഭീമന്‍ മോഹന്‍ലാല്‍ , "രണ്ടാമൂഴം " വരുന്നു . പഴശ്ശിരാജയ്ക്കുശേഷം എം.ടി.യും ഹരിഹരനും ഒന്നിക്കുന്ന 'രണ്ടാമൂഴ'ത്തില്‍ ഭീമനായി മോഹന്‍ലാല്‍ എത്തുന്നു. മോഹന്‍ലാല്‍ ആരാധകര്‍ കേള്‍ക്കാന്‍ കൊതിച്ചതായിരുന്നു രണ്ടാമൂഴത്തിലെ ഭീമന്‍ എന്ന കഥാപാത്രം . പക്ഷെ മമ്മൂട്ടി ആയിരിക്കും ഈ കഥാപാത്രം ചെയ്യുക എന്നായിരുന്നു ഗോസിപ്പുകള്‍ .ഗോസിപ്പുകള്‍ക്കെല്ലാം വിരാമമിട്ടാണ് ഈ വാര്‍ത്ത എപ്പോള്‍ വന്നിരിക്കുന്നത് .
പഴശ്ശിരാജയ്ക്ക് ശേഷം ഒരു വമ്പന്‍ ഹിറ്റാണ് എം ടിയും , ഹരിഹരനും ,ഗോകുലം ഗോപാലനും ലക്ഷ്യമിടുന്നത് .മലയാളത്തിലെയും തമിഴിലെയും ഉള്‍പ്പെടെ വലിയൊരു താരനിര ഇതിലുണ്ടാകും. ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ നിര്‍മിക്കുന്ന രണ്ടാമൂഴത്തിന്റെ ചിത്രീകരണം ജനവരിയില്‍ ആരംഭിക്കും. മോഹന്‍ലാലിനു ഒരു നല്ല അവസരമാണ് ഇതിലൂടെ വന്നിരിക്കുന്നത് . നാടകത്തില്‍ ഭീമന്‍ എന്നാ കഥാപാത്രം മോഹന്‍ലാല്‍ അനശ്വരമാക്കിയിരുന്നു. എന്തായാലും കാത്തിരിക്കാം .
No comments:
Post a Comment