ട്വന്റി20യ്ക്ക് ശേഷം മോളിവുഡ് കണ്ട ഏറ്റവും വലിയ മള്‍ട്ടിസ്റ്റാര്‍ മൂവി ക്രിസ്ത്യന്‍ ബ്രദേഴ്സ് തിയറ്ററുകളിലേക്ക്. ജോഷി സംവിധാനം ചെയ്യുന്ന ആക്ഷന്‍ ചിത്രത്തില്‍ മോഹന്‍ലാല്‍, സുരേഷ് ഗോപി, ദിലീപ്, ശരത് കുമാര്‍, ലക്ഷ്മി റായി, കാവ്യ മാധവന്‍, ലക്ഷ്മി ഗോപാല സ്വാമി, കനിഹ എന്നിങ്ങനെ വന്‍താരനിരയാണ് അണിനിരക്കുന്നത്. ട്വന്റി20യുടെ തിരനാടകമെഴുതിയ സിബി ഉദയന്‍മാര്‍ തന്നെയാണ് മള്‍ട്ടിസ്റ്റാര്‍ മൂവിയ്ക്കും തൂലിക ചലിപ്പിച്ചിരിയ്ക്കുന്നത്.
2 മണിക്കൂര്‍ 55 മിനിറ്റ് ദൈര്‍ഘ്യമുള്ള ചിത്രത്തിന്റെ സെന്‍സറിങ് കഴിഞ്ഞ ദിവസം പൂര്‍ത്തിയായിരുന്നു. യുഎ സര്‍ട്ടിഫിക്കറ്റ് ലഭിച്ച ചിത്രം മാര്‍ച്ച് 18ന് റിലീസ് ചെയ്യുമ്പോള്‍ അതും ഒരു ചരിത്രമായി മാറും. ഏറ്റവുമധികം തിയറ്ററുകളില്‍ റിലീസ് ചെയ്ത മലയാള ചിത്രമെന്ന ബഹുമതിയാണ് ക്രിസ്ത്യന്‍ ബ്രദേഴ്‌സിനെ കാത്തിരിയ്ക്കുന്നത്.കേരളത്തിനകത്തും പുറത്തുമായി 170 തിയറ്ററുകളിലാണ് സിനിമ റിലീസ് ചെയ്യുന്നത്. ചെന്നൈ, ബാംഗ്ലൂര്‍ എന്നിങ്ങനെ വന്‍ മെട്രോകളിലെല്ലാം സിനിമ റിലീസ് ചെയ്യുന്നുണ്ട്.
കോടികളുടെ ബജറ്റില്‍ എവി അനൂപും സുബൈറും ചേര്‍ന്ന് നിര്‍മിച്ച ക്രിസ്ത്യന്‍ ബ്രദേഴ്സ് ബോക്‌സ് ഓഫീസ് റെക്കാര്‍ഡുകള്‍ തകര്‍ക്കുമെന്നാണ് സിനിമാ പണ്ഡിറ്റുകളുടെ പ്രവചനം.ജോഷിയുടെ ‘ക്രിസ്ത്യന്‍ ബ്രദേഴ്സ്’ സെന്‍സര്‍ ചെയ്തു. ‘യുഎ’ സര്‍ട്ടിഫിക്കേറ്റാണ് ലഭിച്ചിരിക്കുന്നത്. മോഹന്‍ലാലിന്‍റെ ഈ ബിഗ്ബജറ്റ് സിനിമ 18ന് റിലീസാകുകയാണ്. റിലീസിംഗ് കേന്ദ്രങ്ങളുടെ എണ്ണത്തില്‍ റെക്കോര്‍ഡ് സൃഷ്ടിക്കുകയാണ് ക്രിസ്ത്യന്‍ ബ്രദേഴ്സ്. കേരളത്തില്‍ മാത്രം 170 കേന്ദ്രങ്ങളിലാണ് ചിത്രം പ്രദര്‍ശനത്തിനെത്തുന്നത്. ചെന്നൈയില്‍ ഏഴ് തിയേറ്ററുകളില്‍ റിലീസ് ചെയ്യും. മൊത്തം 300 പ്രിന്‍റുകള്‍ റിലീസ് ചെയ്യും
ചിത്രത്തിന്റെ റിലീസ് ലോകവ്യാപകമായി നടത്താനാണ് തീരുമാനം. തമിഴ്നാട്, ആന്ധ്ര, കര്‍ണാടക, ഗുജറാത്ത്, ഡല്‍ഹി, മഹാരാഷ്ട്ര എന്നീ സംസ്ഥാനങ്ങളിലും അമേരിക്ക, യു എ ഇ, ഓസ്ട്രേലിയ, ന്യൂസിലന്‍ഡ്, ലണ്ടന്‍, മലേഷ്യ, സിംഗപ്പൂര്‍ തുടങ്ങിയ വിദേശ രാജ്യങ്ങളിലും മാര്‍ച്ച് 18നു തന്നെ ക്രിസ്ത്യന്‍ ബ്രദേഴ്സ് പ്രദര്‍ശനത്തിനെത്തും. ഒരു മലയാള സിനിമ ലോകവ്യാപകമായി ഒരേ ദിവസം റിലീസ് ചെയ്യുന്നത് ഇതാദ്യമാണ്
മലയാള സിനിമയില്‍ ഇത്രയും പെര്‍ഫെക്ഷനുള്ള ഒരു ആക്ഷന്‍ എന്‍റര്‍ടെയ്‌നര്‍ ഇതിനുമുമ്പ് ഉണ്ടായിട്ടില്ലെന്നാണ് ആദ്യ അഭിപ്രായം. രണ്ടുമണിക്കൂര്‍ 55 മിനിറ്റാണ് ചിത്രത്തിന്റെ ദൈര്‍ഘ്യം. എന്നാല്‍ വളരെ ഫാസ്റ്റായ മേക്കിംഗാണ് ജോഷി കാഴ്ചവച്ചിരിക്കുന്നത്. മോഹന്‍ലാല്‍, ശരത്കുമാര്‍, സുരേഷ്ഗോപി, ദിലീപ്, കനിഹ, കാവ്യാ മാധവന്‍, ലക്ഷ്മി റായ്, ലക്ഷ്മി ഗോപാലസ്വാമി, പ്രിയങ്ക തുടങ്ങിയ വമ്പന്‍ താരനിരയാണ് ക്രിസ്ത്യന്‍ ബ്രദേഴ്സില്‍ അണിനിരക്കുന്നത്. പൊന്നിന്‍‌വിലയുള്ള തിരക്കഥാകൃത്തുക്കള്‍ ഉദയ്കൃഷ്ണ - സിബി കെ തോമസ് ടീം ട്വന്റി20ക്ക് ശേഷം ജോഷിയുമായി ഒത്തുചേരുകയാണ്എ വി അനൂപും മഹാ സുബൈറും ചേര്‍ന്ന് നിര്‍മ്മിക്കുന്ന ക്രിസ്ത്യന്‍ ബ്രദേഴ്സ് വര്‍ണചിത്ര ബിഗ്സ്ക്രീനാണ് പ്രദര്‍ശനത്തിനെത്തിക്കുന്നത്
സിനിമയിലെ ഗാനങ്ങള്‍ ഇതിനോടകം തന്നെ ഹിറ്റായിക്കഴിഞ്ഞു. “മോഹം കൊണ്ടാല്‍ ഇന്നേതുപെണ്ണും പൂച്ചയെപ്പോലെ...” എന്ന ഗാനം ഈ വര്‍ഷത്തെ ഏറ്റവും വലിയ ഹിറ്റായി മാറിയിരിക്കുകയാണ്
No comments:
Post a Comment