ഗ്രാന്റ് കേരള ഷോപ്പിംഗ്‌ ഫെസ്‌റ്റിവലിന്റെ പ്രചാരണത്തിന്‌ മോഹന്‍ലാല്‍ ചിത്രമായ ഖാണ്ഡഹാറും ചേരുന്നു. ഡിസംബര്‍ 16ന്‌ റിലീസ്‌ ചെയ്യുന്ന ഖാണ്ഡഹാറിന്റെ പരസ്യത്തില്‍ ഡിസംബര്‍ ഒന്നുമുതല്‍ ആരംഭിച്ച ഷോപ്പിംഗ്‌ ഫെസ്‌റ്റിവലും പ്രതിപാദിക്കും. മോഹന്‍ലാലും അമിതാഭ്‌ബച്ചനും അഭിനയിച്ചിരിക്കുന്ന പരസ്യത്തിന്റെ തലവാചകം ഹോള്‍ഡ്‌ ഓണ്‍! ഐ ആം കമിംഗ്‌ ടൂ("Hold On! I am Coming Too")- എന്നാണ്‌.
നേരത്തെ കേരളടൂറിസത്തിന്റെ ബ്രാന്‍ഡ്‌ അംബാസിഡറാക്കാതെ മാറ്റി നിര്‍ത്തപ്പെട്ട അമിതാഭ്‌ബച്ചന്‍, കേരളടൂറിസം സംഘടിപ്പിക്കുന്ന ഷോപ്പിംഗ്‌ ഫെസ്‌റ്റിവലിന്റെ പ്രചാരകനായി വരുന്നത്‌ യാദൃശ്‌ചികം മാത്രം. ഗ്രാന്റ് കേരള ഷോപ്പിംഗ്‌ ഫെസ്‌റ്റിവലിന്റെ ഔദ്യോഗിക എന്റര്‍ടെയ്‌ന്‍മെന്റ്‌ പാര്‍ട്‌ണറാണ്‌ ഖാണ്ഡഹാര്‍.
അമിതാഭ്‌ബച്ചനെ കേരള ടൂറിസത്തിന്റെ ബ്രാന്‍ഡ്‌ അംബാസിഡറായി സംസ്ഥാന സര്‍ക്കാര്‍ നിശ്‌ചയിച്ചിരുന്നു. എന്നാല്‍ സി പി എം കേന്ദ്രനേതൃത്വത്തിന്റെ എതിര്‍പ്പിനെ തുടര്‍ന്ന്‌ മാറ്റുകയായിരുന്നു. പിന്നീട്‌ ബച്ചന്‍ ഗുജറാത്തിന്റെ ബ്രാന്‍ഡ്‌ അംബാസിഡറായി മാറുകയായിരുന്നു.
മേജര്‍ രവി സംവിധാനം ചെയ്യുന്ന ഖാണ്ഡഹാറില്‍ മോഹന്‍ലാലിനൊപ്പം അതിഥിവേഷത്തില്‍ അമിതാഭ്‌ബച്ചന്‍ അഭിനയിക്കുന്നുണ്ട്‌. ഖാണ്ഡഹാര്‍ വിമാനറാഞ്ചല്‍ പ്രമേയമാക്കിയുള്ള ചിത്രം മലയാളത്തിന്‌ പുറമെ തമിഴ്‌, ഹിന്ദി ഭാഷകളിലും നിര്‍മ്മിക്കുന്നുണ്ട്‌. ആന്റണി പെരുമ്പാവൂരാണ്‌ ചിത്രം നിര്‍മ്മിച്ചത്‌.
 |
 |
 |
 |
 |
Breaking News ::
Thursday, November 11, 2010
Subscribe to:
Post Comments (Atom)
ഒടുവില്‍ ഭീമന്‍ മോഹന്‍ലാല്‍ , "രണ്ടാമൂഴം " വരുന്നു .
ഒടുവില്‍ ഭീമന്‍ മോഹന്‍ലാല്‍ , "രണ്ടാമൂഴം " വരുന്നു . പഴശ്ശിരാജയ്ക്കുശേഷം എം.ടി.യും ഹരിഹരനും ഒന്നിക്കുന്ന 'രണ്ടാമൂഴ'ത്തില്‍ ഭീമനായി മോഹന്‍ലാല്‍ എത്തുന്നു. മോഹന്‍ലാല്‍ ആരാധകര്‍ കേള്‍ക്കാന്‍ കൊതിച്ചതായിരുന്നു രണ്ടാമൂഴത്തിലെ ഭീമന്‍ എന്ന കഥാപാത്രം . പക്ഷെ മമ്മൂട്ടി ആയിരിക്കും ഈ കഥാപാത്രം ചെയ്യുക എന്നായിരുന്നു ഗോസിപ്പുകള്‍ .ഗോസിപ്പുകള്‍ക്കെല്ലാം വിരാമമിട്ടാണ് ഈ വാര്‍ത്ത എപ്പോള്‍ വന്നിരിക്കുന്നത് .
പഴശ്ശിരാജയ്ക്ക് ശേഷം ഒരു വമ്പന്‍ ഹിറ്റാണ് എം ടിയും , ഹരിഹരനും ,ഗോകുലം ഗോപാലനും ലക്ഷ്യമിടുന്നത് .മലയാളത്തിലെയും തമിഴിലെയും ഉള്‍പ്പെടെ വലിയൊരു താരനിര ഇതിലുണ്ടാകും. ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ നിര്‍മിക്കുന്ന രണ്ടാമൂഴത്തിന്റെ ചിത്രീകരണം ജനവരിയില്‍ ആരംഭിക്കും. മോഹന്‍ലാലിനു ഒരു നല്ല അവസരമാണ് ഇതിലൂടെ വന്നിരിക്കുന്നത് . നാടകത്തില്‍ ഭീമന്‍ എന്നാ കഥാപാത്രം മോഹന്‍ലാല്‍ അനശ്വരമാക്കിയിരുന്നു. എന്തായാലും കാത്തിരിക്കാം .
No comments:
Post a Comment