എന്നാല്‍ യാദൃശ്‌ചികമെന്ന്‌ പറയട്ടെ, തെലുങ്കില്‍ ഇതേ കഥ നാഗാര്‍ജുനയെ നായകനാക്കി ഒരുക്കുന്നുണ്ടായിരുന്നു. ചിത്രത്തിന്റെ പേര്‌ ഗഗനം. ഡിസംബര്‍ ഒമ്പതിന്‌ റിലീസ്‌ ചെയ്യാന്‍ തീരുമാനിച്ച ഖാണ്ഡഹാറിനെ പ്രതിസന്ധിയിലാക്കി ഗഗനം ഡിസംബര്‍ മൂന്നിന്‌ റിലീസ്‌ ചെയ്യാന്‍ തീരുമാനിച്ചതോടെയാണ്‌ മേജര്‍ രവിയും കൂട്ടരും അങ്കലാപ്പിലായത്‌.
ഖാണ്ഡഹാര്‍ ബഹുഭാഷ ചിത്രമാണ്‌. ഈയവസരത്തില്‍ ഗഗനം ആദ്യം റിലീസ്‌ ചെയ്‌താല്‍ തമിഴിലും ഹിന്ദിയിലും റിലീസ്‌ ചെയ്യുന്ന ഖാണ്ഡഹാര്‍ കടുത്ത പ്രതിസന്ധി നേരിടുമായിരുന്നു. എന്നാല്‍ നാഗാര്‍ജുനയുടെ തന്നെ മറ്റൊരു ചിത്രം തൊട്ടടുത്ത്‌ റിലീസ്‌ ചെയ്യുന്നതിനെ തുടര്‍ന്ന്‌ ഗഗനത്തിന്റെ റിലീസിംഗ്‌ ജനുവരി ഒന്നിലേക്ക്‌ മാറ്റുകയായിരുന്നു. നാഗാര്‍ജുനയുടെ രാഗദ എന്ന ചിത്രം ഡിസംബര്‍ 17ന്‌ റിലീസ്‌ ചെയ്യുന്നതിനാലാണ്‌ ഗഗനത്തിന്റെ റിലീസിംഗ്‌ മാറ്റിയത്‌. ഇത്‌ ഏതായാലും ഖാണ്ഡഹാറിന്‌ ശരിക്കും അനുഗ്രഹമായി മാറി. നേരത്തെ റിലീസിംഗുമായി ബന്ധപ്പെട്ട്‌ ഖാണ്ഡഹാര്‍, ക്രിസ്‌ത്യന്‍ബ്രദേഴ്‌സ്‌ നിര്‍മ്മാതാക്കള്‍ തമ്മിലുള്ള പ്രശ്‌നം മോഹന്‍ലാല്‍ മുന്‍കൈയെടുത്താണ്‌ പരിഹരിച്ചത്‌. അങ്ങനെ ഖാണ്ഡഹാര്‍ റിലീസിംഗ്‌ ആദ്യമാക്കിയത്‌ വന്‍വാര്‍ത്തയായിരുന്നു.
No comments:
Post a Comment