സൂപ്പര്‍സ്റ്റാര്‍ മോഹന്‍ലാല്‍ ഡ്രൈവിങ് ടെസ്റ്റിലും സൂപ്പര്‍ഹിറ്റ് ആയി. ആദ്യത്തെ ടെസ്റ്റില്‍ തന്നെ കടമ്പ കടന്നു. ലാലിന് ഇനി ദുബായില്‍ എത്തുമ്പോള്‍ സ്വന്തം കാര്‍ സ്വയം ഓടിക്കാം. യു.എ.ഇ. റസിഡന്‍സ് വിസയുള്ളവര്‍ക്ക് യു.എ.ഇ. ഡ്രൈവിങ് ലൈസന്‍സ് ഉണ്ടെങ്കിലേ ഇവിടെ വണ്ടി ഓടിക്കാന്‍ പറ്റൂ. സന്ദര്‍ശകരായി വരുന്നവര്‍ക്ക് ഇന്റനാഷണല്‍ ലൈസന്‍സ് റെന്റ്എ കാര്‍ വാടകയ്ക്ക് എടുത്ത് ഓടിക്കാന്‍ കഴിയും. സ്വന്തമായി വണ്ടി ഇവിടെ വാങ്ങണം എങ്കില്‍ യു.എ.ഇ. ഡ്രൈവിങ് ലൈസന്‍സ് നിര്‍ബന്ധം ആണ്. യു.എ.ഇ.യില്‍ ലൈസന്‍സ് കിട്ടുക എന്നത് ഐ.എ.എസ്. കിട്ടുന്നതിനു തുല്യം ആണെന്ന് ഒരു പറച്ചില്‍ ഉണ്ട്. അംഗീകൃത ഏജന്‍സി നടത്തുന്ന ഡ്രൈവിങ് സ്‌കൂളില്‍ നിന്ന് പരിശീലനം നേടിയ ശേഷമേ ഇവിടെ ലൈസന്‍സ് നേടാന്‍ കഴിയൂ. ചില രാജ്യങ്ങളില്‍ നിന്നുള്ള ലൈസന്‍സ് യു.എ.ഇ.യില്‍ അംഗീകരിച്ചിട്ടുണ്ടെങ്കിലും ഇന്ത്യയില്‍ നിന്നുള്ള ലൈസന്‍സ് ഇവിടെ അംഗീകരിക്കപ്പെട്ടിട്ടില്ല.
മോഹന്‍ലാലിന് 1983 മുതല്‍ ഇന്ത്യന്‍ ലൈസന്‍സ് ഉണ്ടെങ്കിലും ഇവിടെ വീണ്ടും ടെസ്റ്റിന് വിധേയനാകേണ്ടിവന്നത് ഇന്ത്യന്‍ ലൈസന്‍സ് ഇവിടെ അംഗീകരിക്കപ്പെടാത്തതുകൊണ്ടാണ് ഇരുപതു മണിക്കൂര്‍ ആണ് ഡ്രൈവിങ് സ്‌കൂളില്‍ ലാല്‍ പരിശീലനം നേടിയത്. ആദ്യ ടെസ്റ്റില്‍ തന്നെ പാസ് ആകാന്‍ കഴിഞ്ഞു എന്നത് വലിയ നേട്ടം തന്നെ.
കാസനോവ എന്ന ചിത്രത്തിന്റെ ഷൂട്ടിങ് സംബന്ധിച്ച് കഴിഞ്ഞ ഏതാനും ആഴ്ചകളായി ലാല്‍ ദുബായില്‍ തന്നെ യുണ്ട്. ഷൂട്ടിങ്ങിന് ഇടയില്‍ ആയിരുന്നു ടെസ്റ്റില്‍ ഹാജരായത്.
No comments:
Post a Comment